Coetir wedi'i sefydlu'n dda gyda blodau gwyllt cyffredin y coetir.

Coedwig hynafol o glychau'r gog gyda hanes maith. Mae Coed Trellyniau yn un o'r gweddillion naturiol olaf o goed derw hynafol a choetir ynn. Er bod llawer o'r coed gwreiddiol wedi'u torri, a ffawydd a ph”n wedi'u plannu yn eu lle, mae'r carped o flodau gwyllt y goedwig yn aros yr un fath ag yr oedd ganrifoedd yn ôl i raddau helaeth. Mae'r clwstwr anhygoel o glychau'r gog yn enwog yn lleol a cheir llawer mwy o blanhigion yn y goedwig hynafol hefyd.

Mae'r warchodfa chwe milltir i'r gogledd orllewin o'r Wyddgrug. O ffordd yr Wyddgrug - Dinbych (A541), trowch i'r gogledd am Res y Cae (gweler y map). Mae'r ffyrdd hyn yn gulion iawn ond ceir rhyw faint o ofod parcio ar ymyl y ffordd yn SJ 177 693.

Am wybodaeth bellach am y warchodfa hon, cysylltwch â Graham Berry ar 01352 810469 neu drwy e-bost.

lluniau gan Lin Cummins